Este domingo 10/10/10 en Quilmas (Carnota) celebramos unha festa ecolóxica coa promoción de produtos locais e de cultivo ecolóxico dentro dos actos mundiais da campaña 350.org. A cooperativa Rainha Lupa, organizadora do evento, nace da resposta social contra a ampliación da planta de piscicultura de Stolt Sea Farm e que iría ocupar unhas 30 hectáreas e substituir a terra cultivada por piscinas de cemento e plástico para rodaballos dopados.

Con esta festa promocionamos os produtos locais cultivados na Cooperativa Rainha Lupa de xeito respectuoso para o ambiente, como alternativa ao consumo de alimentos transportados dende todo o mundo con grande gasto de CO₂ acumulado en transporte, adubos e pesticidas.

O consumo de proximidade, responsábel e saudábel, a defensa da nosa biodiversidade agrícola e gandeira e o respecto pola cultura tradicional, axudan a rebaixar o CO₂ na atmosfera e a contaminación en xeral.

Organiza:

Cooperativa de Agro-ecoloxía Rainha Lupa e ADEGA. Ver ubicación (ligazón GOOGLE MAPS)
Contacto: Xosé Manuel Casais (697 364124, ADEGA-Costa da Morte), Adela Figueroa (686701344)