Este 13 de agosto, lúa chea. A Cooperativa de Agricultura Ecolóxica Raínha Lupa propón realizar 7 mercados ecolóxicos todos os anos. A referenza do 7 é pola importancia que tiveron sempre as estrelas coma indicadoras do paso do tempo e as estacións. Antigamente mirábase para o ceo e determinábanse as épocas de traballo no campo polas constelacións que aparecían no firmamento. Hai dúas que fixan o comezo da primavera e con isto, das segas, das colleitas, e das navegacións polo mar. Orión e Tauro coas Pléiades na punta (grupo de 7 estrelas, as 7 cabuxiñas) visibles dende abril a outubro, durante 7 meses. Escolleron pois este periodo de fertilidade e de viaxe para realizaren tamén os mercados en Quilmas. Así que as datas do mercados non teñen perda, basta con ollar o ceo e seguir o ritmo das estrelas e da lúa chea... A vindeira, este 13 de agosto.

Joomla Templates and Joomla Extensions by ZooTemplate.Com

7 de abril de 2011. A deconstrución do noso patrimonio natural reactívase cos primeiros proxectos derivados do concurso eólico do PP. Nas últimas semanas, unha enxurrada de parques eólicos están a "coller sitio" sobre espazos de alto valor natural, antes de que Europa obrigue á Xunta a ampliar con urxencia a cativa Rede Natura galega. Tal é o caso dos tres proxectos na área d'O Pindo, e do recente parque eólico do Alto da Croa, en Vimianzo e Dumbría. Estas instalacións afectan a humidais inventariados, especies e hábitats prioritarios, para os que a UE obriga a establecer medidas de epecial conservación. Se a Xunta persiste en entregar o noso patrimonio natural máis valioso aos seus amigos en troques de protexelo, Europa podería retirar subvencións ou mesmo impoñer fortes multas, que pagariamos todos/as. Vaites coa boa xestión e a austeridade!

Joomla Templates and Joomla Extensions by ZooTemplate.Com

O pasado 25 de outubro de creouse no Pindo a Asociación Monte Pindo Parque Natural para promover a consecución desta figura de protección para este sobranceiro espazo natural. A AMPPN foi fundada por persoas que representan ás parroquias veciñas do Monte Pindo, ademais de colectivos ecoloxistas como ADEGA, promotora da idea. É portanto unha asociación composta maioritariamente por veciños e veciñas orgullos@s do seu patrimonio natural e cultural, que pretenden poñelo en valor para compatibilizar o aproveitamento económico sustentábel coa protección ambiental dos seus grandes valores biolóxicos, xeolóxicos e patrimoniais. Con estes obxectivos convocámosvos ao acto de apresentación que terá lugar este sábado 13 de novembro no Salón de Actos do Concello de Carnota.

Joomla Templates and Joomla Extensions by ZooTemplate.Com

25 de outubro de 2010. Un grupo de persoas preocupadas polo devir do noso medio ambiente e apaixoadas polo Monte Pindo, reuníronse para constituír formalmente a Asociación Monte Pindo Parque Natural, unha organización sen ánimo de lucro de carácter plural, a través dunha ampla Comisón Reitora con 11 vogalías territoriais para garantizar o trato directo con veciños e axentes sociais. Poucas palabras poden expresar mellor as motivacións desta nova organización como as escollidas por Xilberte Caamaño, o primeiro presidente: "Ningún galego/a entendería que a Catedral de Santiago estivese abandonada, ou queimara cada dez anos; pois o Monte Pindo é a nosa catedral". ADEGA quere transmitir os seus parabéns á nova asociación comprometendo o seu apoio ás iniciativas que poña en marcha para conquerir a declaración do Monte Pindo como Parque Natural.

Este domingo 10/10/10 en Quilmas (Carnota) celebramos unha festa ecolóxica coa promoción de produtos locais e de cultivo ecolóxico dentro dos actos mundiais da campaña 350.org. A cooperativa Rainha Lupa, organizadora do evento, nace da resposta social contra a ampliación da planta de piscicultura de Stolt Sea Farm e que iría ocupar unhas 30 hectáreas e substituir a terra cultivada por piscinas de cemento e plástico para rodaballos dopados.

Joomla Templates and Joomla Extensions by ZooTemplate.Com