|
 Lugo, a 21 de decembro de 2009.- O pasado domingo 20 de decembro ADEGA Lugo e a Asociación de Amigos do Patrimonio de Castroverde realizaron un roteiro polo treito do Camiño Primitivo a Santiago que transcorre entre Castro Verde e Lugo. Alí os participantes poideron comprobar a inxente cantidade de deficiencias e descoidos que está a sufrir esta vía histórica por mor, na maioría dos casos, da inexistencia de sensibilidade cultural por parte da Administración, ben local ou autonómica. Isto resúmese na invasión da vía histórica, na non identificación da mesma, no descontrol das actividades (canteiras, areeiras) ou obras que se están a efectuar no contorno da vía ou sobre dela, na desvalorización e, por tanto, desprecio dos seus elementos naturais e culturais, etc.
|
|
 21 de nadal de 2009. Logo do parto dos montes do "cumio" do clima, velaí os ridículos resultados:  Copenhagen accord (182 KB). Nada de acordos vencellantes, nen cifras de rebaixa das emisións, nen métodos de control, nen datas concretas, nen compromisos para a transferenza tecnolóxica aos países emerxentes... tan só algo sobre o mecanismo de financiamento e os cartos que se comprometerán a longo prazo. Despois de dúas semanas, 128 países participantes, e a expectación de millóns de persoas, o "acordo" acadado non é nen de lonxe o agardado, nen moito menos o que precisa o planeta para trabar a ameaza do cambio climático. Outra volta, os "líderes" mundiais (Obama incluido) non estiveron á altura do repto, e ADEGA pregúntase: seguiremos a deixar nas mans dos responsábeis do problema a tarefa de solucionalo? ADEGA quere expresar tamén a súa solidariedade con Juan López de Uralde, director de Greenpeace-España, e cos seus compañeiros en prisión preventiva en Copenhaguen. Asina eiquí pola súa liberación. |
|
|
 Domingo 20.12.2009. Mercadiño de Troco en Ferrol (a periodicidade é bimensual) celébrase na Praza Vella de Ferrol.De 11 a 14 hs (aprx.) Esta actividade é un espazo de encontro no que as persoas participantes poderán expoñer os seus obxectos nas mesas habilitadas para troco ou cesión. Colaboran diversos colectivos (Unións Libertarias, Verdegaia, ADEGA, SGHN, Cooperativa Xoaninha,Asociacions Vecinais,Masa Critica etc,etc) e particulais. Información adicional: http://trocaferrol.org/ ou Nés López 649779774 |
|
 Compostela, 16 de decembro de 2009. Os treitos fluviais galegos amosan en 2009 unha preocupante tendencia ao empeoramento, tanto no seu estado de saúde como na calidade do bosque de ribeira. O Proxecto Ríos, iniciativa promovida por ADEGA, vén de apresentar o Informe 2009 sobre o estado de saúde dos nosos ríos. No informe expoñemos os resultados das análises nas campañas de primavera e outono, realizadas polos 283 grupos de voluntarios/as ao longo de todo o país. O Informe Anual permite aproximarnos ao estado de saúde das diferentes bacías en base á metodoloxía e indicadores empregados. Podes descargar eiquí o Informe RÍOS GALEGOS 2009 (5.46 MB) completo. |
|
|
|
<< Inicio < Anterior 1 2 3 4 5 6 7 8 9 10 Seguinte > Final >>
|
| Resultados 1 - 8 de 1369 |
